[مناقشه عامه] حرية شخصية أم إساءة متعمدة ..!!

قياسي

بما ان هذي مدونتي الشخصيه حبيت آتكلم هالمره فقط عن مشكله آتعرض لها شخصيا 

فرق الـKpop هم فرق و فنانيين يظهرون على الـTV وعلى المجلات والإعلانات ..إلخ , من حق آي متابع كان معجب بهم أو لأ إنه يتكلم عنهم 

وإنه يقول رأيه بأغانيهم ,ملابسهم , إنجازاتهم و حتى تصرفاتهم العلنيه أمام الكميرات لأنه فنان وهذا هو المفترض يصير 

هذا شي ما له شروط أو حدود 

لما إنسان يبدي رأيه بأغنيه لفرقه معينه مثال 1 قال ” ما حبيت الأغنيه مو حلوه ما فيها شي يلفت إنتباهي أو برأيي بايخه هالفرقه مو مشهوره مثل فرقتي

وإنسان ثاني قال رأيه بالأغنيه مثال  2 قال ” آيش هالمصاخه سفله وقحيين مقززين شغلهم رخيص مقرفين الله يلعنهم  بقرات بشعات شغالات شواذ ..إلخ

مستحيل يكون من حق آي أحد إنه يتجرأ على رأيي المثال 1 ويتهمه بإنه يغلط أو يسب الفنان …لأنه مو معنى إختلاف وجة النظر أن هذا الشخص يغلط بحق الفنان

بينما مثال 2 هو إنسان تعمد يسئ للفنان و يهينه وتوصل إلى إنه يتعمد يقول كلام بذئ و مسيئ عن الفنان حتى يستفز معجبين هالفنان ويدخل بمشاكل معهم 

الفرق واضح بين الي يبدي رأي يشوفه صح من وجهة نظره وبين الي يتعمد الإساءه 

وآضرب مثال على حادثة التنمر لفرقة بنات منتشره هاليومين 

البعض و منهم أنا برأي أن سواء العضوات تنمروا أو لأ فآ آشوفهم آرتكبوا غلط مع العضوه  تسبب بطردها من الفرقه سواء كان الغلط من الطرفين أو من طرف 

المهم آشوف كل الي صار غلط …والعضوات أما تنمروا على البنت أو البنت سيئه !! وأنا من الناس الي صدقت الخيار الأول 

هل آكون بهذا سبيت الفرقه آهنت الفرقه ذكرت مصطلحات مثل ( حقيره – سافله – منحطه – وقحه ..إلخ) على أحد العضوات !!

هم فنان حالها حال غيرها صار لهم موقف صار الكل يتكلم فيه والبعض آنحاز لها والبعض إنحاز ضدهاصح!!

والطبيعي ناس بتقول أنا آشوفهم غير متنمرات أو انا آشوفهم متنمرات !!

القضيه عامه للمتابعيين كلهم ومن حق الكل يبدي رأيه الشخصي الي هو حر فيه ..لكن إذا آبديت رأيي وأخترت أحد الخياريين أنا بكذا ما آكون سبيت الفنان 

أنا فقط شخص أمام قضيه الكل يتكلم فيها وقلت رأيي بدون ما إستخدم مصطلحات مسيئه مثل ( حقير – وصخ – …إلخ )

بالعربي أنا ما كفرت أو سبيت الأمه العربيه والعياذ بالله  وبالنهايه كل إنسان حر برأيه !!

ذكر الفرقه كان كمثال مو هدف الموضوع !!

إختلاف الرأيي مو يعني إنك تغلط بحق الفنان أبدآآ 

هذا كان فقط مثال لكن الي يحصل هالايام أن آي وجهة نظر مختلفه تعتبر إهانه على طول … 

حتى لو احد قال رأييه في حسابه الخاص “الشخصي” البعض يجي يحاسبه أنت ليه قلت كذا أنت آساسا ما تفهم أنت و أنت و توصل للسب !!

من حق آي شخص يدافع عن الفنان الي يفضله لكن هل هالشي بحدود حريتك الشخصيه 

بمعنى إذا صاحب الرأي المختلف جآآء لحسابك أو لموقع لأحد من معجبين الفنان أو مواقع الفنان وتكلم برأيه الي هو عكس رأيك ..

وقتها من حقك ترد عليه وتناقشه مناقشه منطقيه دآآمه ما يستخدم آلفاظ مسيئه لك أو للفنان 

لكن إذا هالرأي المعاكس لك كتب رأييه في حسابه الشخصي موقعه الشخصيمكان يعتبر حق من حقوقه الشخصيه التعبير فيها ” المفترض ما أحد يتدخل برأيه

وبالنهايه دآآم الإنسان يعبر عن رأيه في مساحته الشخصيه المفترض تحترم أن هذي مساحته الشخصيه من حقه يقول آلي يبيه في آي موضوع منتشر بين الكل 

والي يقوم بتصرف عكس هالشي يتاكد إنه إنسان ما يحترم رأي غيره ولا يحترم حرية غيره !! لكن يطالب الكل بعجرفه إنهم يسمعون له ويردون عليه ويوافقون على رأييه غصب عنهم

——————————-

والهدف من الموضوع مو الكلام عن t-ara آبدآآ بشكل عام الردود الي بتسئ لـt-ara أو العكس ما لها مكان هنا لأن المناقشه مو موضوعها هم آبدآآ

الموضوع يتكلم عن رأيك في آسلوب معجبات الـkpop بطريقه آبداء آرائهم

آكيد صارت لكم مواقف مثل كذا من قبل ليه ومن والسبب آفيدونا بآرائكم 

لا غلطت ولا سبيت بآي فنان أو فرقه ولا بآي مخلوق ….وبالنهايه لا تكبروا السالفه آحنا نتكلم عن فنانيين غناء و ترفيه مو عن شي مهم آبدآآ 

Advertisements

6 responses »

  1. بجد تدوينه رههيبه وبالصميم*تصفيق* خلي الكيبوبين يفرقون شوي ع الاقل -.- !
    انا برضو صارلي موقف .. شفت بنات يقارنون بين سوهي وهيويون المهم
    ماعجبني كلامهم بسسس ماقاطعتهم ولا تدخلت بسالفتهم ! رحت لأكاونتي ” الخاص ”
    وجلست أتكلم عن الي قريته وأعبر عن رأيي ” الخاص ” قارنت بينهم وقلت إني افضل
    صوت هيويون أكثر .. آلخ ! وبكل بجاحه جاتني وحدة على انها مو من فلورزي ولا مسويتلها فولو
    وتتريق على صوت هيويون وعلى كلامي ! خير .. يعني اوك ناقشيني وابدي رآيك
    مو جايه تمشين رآيك علي وتتريقين بعد / هاذي مشكله عند اغلب الفانز !
    إذا احد خالفها الرآي أنتي غلط غلللط وكلامك كله كذب وأنتي أنتيز بعد ض1ههه نعم ؟
    وبرضو في نقطه بقولها يعني انا لمن اشوف إنسانه
    تتكلم عن شيء وتبدي رآيها فيه حتى لو مو عاجبها هنا مححد له حق يتكلم او يتدخل في رآيها الخاص !!!!
    آوك اذا البنت تكلمت بحقائق غلط الكلام الي قالته من الاساس غلط
    وكذب ولا تكلمت بشيء من مصدر مو موثوق هنا لهم الحق إنهم يتناقشون معاها ويصححون معلومتهاا وبس !
    عندي كلام كثير بس مافيني أكتب :$
    نور برافو حبيت التدوينه ^^ وأعتبريني من متابعينك الاوفياء :$ ض1 , شكرآ.

  2. كلاامج حييييييل عجبني ^^

    و مو بس انتي الي تجيج انتقادات على رأيج في الكي بوب انا اقرب الناس لي صديقاتي سوان ومع ذلك ما احس ان اسمهم سوان لانهم يكرهون بعض العضوات هم ثنتين وحده منهم تكره جيسيكا ودائماً اذا تكلمنا عنهم جابت سيرتها قالت وعععع خايسسه مو حلوه وانتي ليش تحبينها ارد عليها : ليش تقولين لي هذا الكلام وانا احبها . وقبل كنت اكرها بسببها ولما قلت لها : انتي كرهتيني فيها ترد علي : حبيبتي انا ما اجربتج . و مثل ما قلتي إنسان ما يحترم رأي غيره ولا يحترم حرية غيره !! لكن يطالب الكل بعجرفه إنهم يسمعون له ويردون عليه ويوافقون على رأييه غصب عنهم هي نفس جذي تبيني اكرها وبعدين تقول انا ما سويت شي و مو بس في الكي بوب صديقاتي الباقيات يشتكون منها لانها تسوي غلط وما تعترف فيه تتهاوش معانا بس اهم شي هي مو غلط
    ولانها صديقتي من الطفوله فأحترمها مع انها تحبنا كلنا بس اذا قلت انتي غلطانه تنسى منو انا

    والثانيه تكره يوري وهي اساساً مو سوان ما تعرف اي شي عنهم اببببببببببببداً
    فدايم تزعجني فيها بس انا اسكتها وبعدين تنسى وما تتكلم معاي اما هذيك ابداً ما تسكت صار لها سنه وهي تقول رايها بجيسيكا ولا بعض المرات تجي انتقادات على سوني ان شفايفها مو حلوووه وعادي اطنشششها اهم شششي رايي
    بس دايم اتضايق منهم حييييييييل

    اسسفه اذا طولت الكلام بس حبيت كلامج منطقي

  3. تدويينة روعة *.*
    عاد هذي المواقف بالنسبة لي حافظتها =)
    انا فيه فرقة ماتعجبني ماراح اقول اسمها اجتناباً للمشاكل ^^
    ولما اقول رأيي في اغانيهم او اي شي ثاني يجيني ذاك السب O.O لدرجة تشكين انك كفرتي !!
    عاد هم فانزهم كلهم تقريباً ” اطفال ” فمايحاسبون الكلام اللي يقولونه
    وجد انا يومها اتضايق =(
    وما ارتاح لين اتصالح وياها على اني مو غلطانة بس اجي واقولها مالها داعي هوشتنا
    سامحيني وكذا … وتسامحني وتجي اللي بعدها واتوقع هالقصة مستمرة الى الازل ^^
    يعني جد ماعادوا يفرقون بين K pop و اخوانهم المسلمين
    يعني انا بصفتي سوآن لما اقرى كلام ينرفزني عن سنسد ما اروح بسرعة
    ارد واسب !!
    بس اطنش حتى نقاش محترم مافكر اناقش لاني عارفة آخرتها بيتحول سب !!
    شكراً نور على طرحك الموضوع ^^

  4. ما شاء الله عليك كلام جميل راقت لي التدوينه ^^
    فعلا اعتقد ان الاحترام يكاد يكون معدوم عند بعض فانز الكي بوب عامه !
    وخصوصا عند بعض الفان كلوبات المعروفه اللي تعتقد ان فرقتها فوق كل نقد وكإن واجب على الاخرين عدم التطرق لفرقتها الا بالمدح !
    هالفئه لازم تفهم ان كل إنسان حر برأيه وكل إنسان من حقه أن يقبل أو يرفض هذي حريته وهذا من ححقه ^^
    على اي اساس اروح انا أحجر على آرائهم لمجرد انهم خالفوا رأي بأي حق هذا !!
    مثلا انا وحده ماتعجبني فرقة اف اكس لاني افضل للفرق اللي تنوع بالمفهوم ومااحب الاغاني الالكترونيه
    اللي تكون مزعجه احيانا واهتم لكلمات الاغاني :/ فـ اكثر من مره تجيني بنت وتقعد تذب علي وتقول كلام ماله معنا فقط
    لانني ماشاركتها الميول في من تحب و تستخدم الفاظ جارحه تجرح حياه قبل ماتجرح خلق الله ! واصبح انا متخلفه لمجرد أني خالفت رأيهآ !!!
    وبالمقابل في كثير يطالبون بالحرية وهم أبعد من يكونون عنها، وعن مفرداتها :/ أما أن تتعامل بها، أو لا يعاملك الآخرون بها :/
    عموما عندي نقطه عن المثل اللي ضربتيه قضية تيارا 🙂 وكلامك عن ان اما العضوات تنمروا على البنت أو البنت سيئه :/
    أكيد لو كنتي ملمه بالموضوع وعارفه اغلب التفاصيل اللي ظهرت عنها والأدله اللي دلت على تزييف قضية التنمر اللي تعرضت لها البنت
    وماانتي من الناس السطحيه عديمة المنطق اللي اكتفت بطرف المشكله فقط واستقرت على رأي وبدون متابعة التفاصيل فـ مالهم حق يتعرضون لك ! لكن لو العكس 🙂 فـ يفترض انهم نآقشوك برقي بعيد عن الالفاظ البذيئه وبدون تجاوز حقك الشخصي اقتنعتي كان بها مااقتنعتي فـ انتي حره برإيك 🙂
    شكرا على التدوينه المفيده وحبيت أسلوبك بالطرح $$

    • موضوع تيارا خارج النقاش بس كمثال بعد أنا آقولك شفت ما يكفيني من الحقائق و شفت ما يكفي من توضيح الحقائق لكن أخذت فكره عن الموضوع من وجه نظر عكس البعض وفي غيري الالف بالمواقع الاجنبيه وغيره ….هنا انتهت المشكله كل إنسان حر برأيه أنا ما قلت رأيي في مواقع الفرقه قلتها في صفحه التويتر حقي في الاسك حقي ” مكاني الشخصي ” وهنا وصلنا للنقطه الاخيره ليه لان الي حاولت تقنعني ما احترمت رأي الغير بس جات بكل عجرفه تفرض رأيها :/ وهذا اغبى من انك تتكلم بمعلومه غلط ^_^

  5. هههههه لله يعين الجميع في ناس كذا خلقة ماتفهم عطيهم بلوك وروحي لانك راح تهدرين طاقتك على الفاضي بالكلام معاهم
    السبب الاساسي هو كونهم مايفهمون الفرق بين ابداء الراي والنقد والسب
    لو كانوفاهين هالمصطلحات زين ماكانو فتحوفمهم بكلمة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s